Pantun Ramadhan dan Lebaran; Unik dan Jarang

Burung pipit nyebur ke sawah,

nyepret ke badan blepotan semua.

Salah sedikit buang aja ke bawah,

walaupun mepet ramadhan tetep ibadah.

Burung clepuk nemplok di galah,

Nenek-nenek kagak usah dandan.

Kalo emang mau ibadah,

kagak usah nunggu ramadhan.

Ayam jago ayam aduan,

Dipotong-potong sama nyai surti.

Kalo ibadah cuma nunggu ramadhan,

kagak bakal nyampe ke idul fitri.

Anak muda jaman sekarang,

rambut gondrong bukan seniman.

Anak muda jaman sekarang,

ee ibadahnya nunggu ramadhan.

Sangkar burung ngejedok bae,

disuruh lempar kalo kagak butuh.

perut Lapar mah hayuk wae,

eeh disuruh sabar mah ora puguh.

Buah dukuh buah rambutan,

dijual orang dipasar malabar.

Puasa tekun di bulan ramadhan,

perutnya lapar tapi kagak sabar.

Jalan-jalan ke Pinangsia,

jangan lupa beli rambutan.

Kalo emang ente mo puasa,

jangan pake nunggu ramadhan.

Jalan-jalan ke Betawi,

tujuannya liat pameran.

Kalo emang mau nyampe ke fitri,

kagak usah nunggu lebaran.

Bulan ramadhan bulan yg suci,

nongolnya setahun sekali.

Kalo emang ente mau fitri,

kagak usah nunggu ampe idul fitri.

Bulan ramadhan bulan keberkahan,

sama orang tua jangan balik badan.

Kalo emang mau maaf-maafan,

ee jangan cuma nunggu ramadhan.

Astaghfirullah mohon ampunan,

ucapan bagus di bulan ramadhan.

Kalo emang mau maaf-maafan,

jgn cuma nunggu ramadhan.

Ke pasar rumput naik angkutan,

makan roti ntu mulut ampe kesumpel.

Di mulut mah maaf-maafan,

ee dalem ati mah tetep ngedumel.

Hari liburan pergi jalan-jalan,

ngeliat orang bajunya kumel.

Hari lebaran maaf-maafan,

ee dalem ati mah tetep ngedumel.

Pulau irian burungnya cendrawasih,

cukup sekian dan terima kasih. 

[Admin]